ພູມສາດລາວ

      ສາທາລະນະລັດ ປະຊາທິປະໄຕ ປະຊາຊົນລາວ(ສປ.ປ ລາວ) ຕັ້ງຢູ່ທາງທິດຕາເວັນອອກສຽງໃຕ້ຂອງທະວີບອາຊີ(South East Asia) ຢູໃຈກາງຂອງແຫລມອິນດູຈີນ(Indo China) ເປັນປະເທດທີ່ບໍ່ມີຊາຍແດນຕິດກັບທະເລ ແລະ ມີຊາຍແດນຮ່ວມກັບ 5 ປະເທດຄື: ທິດເໜືອຕິດກັບ ສປ ຈີນ 505 ກິໂລແມັດ, ທິຕາມເວັນອອກຕິກັບ ສສ ຫວຽດນາມ 2.070 ກິໂລແມັດ, ທິດຕາເວັນຕົກສຽງເໜືອຕິດກັບ ສພ ມ່ຽນມາ 236 ກິໂລແມັດ, ທິດຕາເວັນຕົກຕິດກັບ ຣາຊະອາຈັກໄທ 1.835 ກິໂລແມັດ ແລະ ທິດໃຕ້ຕິດກັບຣາຊະອານາຈັກກຳປູເຈຍ 535 ກິໂລແມັດ.

       ສປປ ລາວ(Lao P.D.R) ມີເນື້ອທີ່ທັງໝົດ 236.800 ກິໂລຕາແມັດ, ເຊີ່ງແບ່ງເປັນ 3 ເຂດຄື: ພູດອຍ, ພູພຽງ ແລະ ທົ່ງພຽງ, ໃນນີ້ ພູພຽງກວມເອົາ 3/4 ຂອງເນື້ອທີ່ທັງໝົດ.
       ສປປ ລາວ ໄດ້ແບ່ງເຂດການປົກຄອງອອກເປັນ 17ແຂວງ ແລະ ມີນະຄອນຫລວງວຽງຈັນເປັນນະຄອນຫລວງຂອງປະເທດດັ່ງລາຍລະອຽດຕໍ່ໄປນີ້:
       - ພາກເໜືອມີ 8 ແຂວງ: ຜົ້ງສາລີ, ບໍ່ແກ້ວ, ຫລວງນ້ຳທາ,ຫົວພັນ, ຊຽງຂວາງ, ອຸດົມໄຊ, ນະຄອນ-ຫລວງພະບາງ ແລະ ໄຊຍະບູລີ.
       - ພາກກາງມີ 5 ແຂວງ 1 ນະຄອນຫລວງ : ວຽງຈັນ, ນະຄອນຫລວງວຽງຈັນ, ໄຊສົມບູນ, ບໍລິຄຳໄຊ, ຄຳມ່ວນ ແລະ ສະຫວັນນະເຂດ.
       - ພາກໃຕ້ມີ 4 ແຂວງ: ສາລະວັນ, ເຊກອງ, ອັດຕະປື ແລະ ຈຳປາສັກ.
       ປະເທດລາວ ມີປະຊາກອນ 6.000.3799(ປີ2008) ປະກອບມີ 49 ຊົນເຜົ່າ ແລະ ແບ່ງອອກເປັນ 4 ໝວດພາສາປາກເວົ້າຄື:
       1. ກຸ່ມພາສາລາວ-ໄຕ: ລາວ, ໄຕດຳ, ໄຕແດງ, ໄຕຂາວ,ໄຕເໜືອ...ກວມ 66 % ຂອງປະຊາກອນ.
       2. ກຸ່ມພາສາມອນ-ຂະແມ: ກືມມຸ, ກະຕູ່, ກະຕາງ, ຣະແວ... ກວມ 24% ຂອງປະຊາກອນ.
       3. ກຸ່ມພາສາມົ້ງ-ຢ້າວ: ມົ້ງ, ຢ້າວ ກວມ 7% ຂອງປະຊາກອນ.
       4. ກຸ່ມພາສາຈີນ-ຕີເບດ: ຫໍ້, ຫານ, ອາຄາ, ພູນ້ອຍ... ກວມ 2% ຂອງປະຊາກອນ

ຂອບໃຈຂໍ້ມູນຈາກ: ປື້ມກົດໝາຍຊັ້ນຕົ້ນ ກະຊວງຍຸດຕິທຳ ແລະ https://lo.wikipedia.org/wiki/ປະເທດລາວ, ພາບປະກອບຈາກ RFI ແລະ ນາຍົກລັດຖະມົນຕີແຫ່ງ ສປປ ລາວ ພິກິວິເດຍ

ຂ່າວສານເພີ່ມເຕີມ: https://taidam-news.blogspot.com